प्रतिष्ठानको आयोजनामा मित्रराष्ट्र भारतका स्रष्टा एवम् कलाकारको सम्मानमा कार्यक्रम

देवकोटा लुसुन प्रज्ञा-प्रतिष्ठानको आयोजनामा आज मित्रराष्ट्र भारतको सिक्किम, दर्जिलिङ, कालिम्पोङबाट नेपाल आउनु भएका स्रष्टाहरूसँग उहाँहरुको सम्मानमा मिति २०८० चैत्र २४ गते काठमाण्डुमा एउटा भेटघाट एवम् छलफल कार्यक्रम आयोजना गऱ्यो ।ओविया आर्ट सर्कल (OVIYA ART CIRCLE) सिक्किमका अध्यक्ष दीपा राईको नेतृत्वमा आएको टोलीमा सिक्किमबाट Deepa Rai, Passang Sherpa, Kamal Khaling Rai , Dhiraj Pradhan, Sagar Subba, Bimla Pradhan, B. K. Subba, Krishna Rai, Phur Tsh. Lepcha हुनुहुन्थ्यो । त्यसैगरी दार्जेलिङ र मेरिकबाट Chendup Lepcha ,Bikash Subba हुनुहुन्थ्यो । टोलीमा कालिम्पोङबाट Tika Pradhan, Richard G. Lepcha सहभागी हुनुभएको थियो । कार्यक्रममा झापाका कलाकार Tseten Sherpa को पनि उपस्थिति रहेको थियो ।

अतिथि स्रष्टा / कलाकारहरूलाई देवकोटा लुसुन प्रज्ञा-प्रतिष्ठानका अध्यक्ष सुनिलकुमार पौडेल, उपाध्यक्ष मातृका पोखरेल, सचिव बाबा बस्नेत र सदस्य देवेन्द्र थुम्केलीले स्वागत गर्नुभयो । देवकोटा लुसुन प्रज्ञा-प्रतिष्ठानका अध्यक्ष सुनिलकुमार पौडेलले प्रतिष्ठानका गतिविधिहरुको जानकारी गराउनुभयो भने उपाध्यक्ष मातृका पोखरेल, सचिव बाबा बस्नेत र सदस्य देवेन्द्र थुम्केलीले भारतीय नेपाली वाङ्मय र नेपालको वाङ्मयको ऐतिहासिक सम्बन्धका बारेमा चर्चा गर्नुभएको थियो । त्यसैगरी मित्रराष्ट्रबाट आउनुभएका अतिथिहरुले आफ्ना अनुभव र अनुभूति सुनाउनु भएको थियो । उक्त कार्यक्रमको संयोजन वरिष्ठ साहित्यकार नरेन्द्रबहादुर श्रेष्ठले गर्नुभएको थियो ।

अतिथि स्रष्टा एवम् कलाकारहरू नेपाल ललितकला प्रज्ञा- प्रतिष्ठानको आयोजना र जरा फाउण्डेशनको सहकार्यमा तीनदिने सम्बन्ध कला प्रदर्शनी - २०८० को सन्दर्भमा नेपाल आउनु भएको थियो ।

000